Do gibz an hauffa Bergbuidl ! Fast immer is d Kamera dabei, wenn ma z Fuass oder midn Radl untawegs sann. Touren vom Karwendl, Vorkarwendl, Isartaler Berg, Estergebirge, Dägansäa Berg, Mangfallgebirge und no a baar Andere sann auf da Festblattn festghoiddn worn.
- Ammergauer Alpen - Kreuzspitz
- Moi ganz woanders hi. Mia sann ins Ammergebirg ausgruggd, vom Parkblotz Ammerwald am Fischboch an da Grenz, samma vo Norden aus üwas Houchgriaskar aufgschdieng. Do samma dann aa wieda owa. A scheene Tour, blos der bläde Näwe z Mittdog nachad...
- Benediktenwandgruppe - Benediktenwand
- D Benewand hob i vo Dahoam aus scho oft gnua fotografiad, nachad hob i hoid amoi auffeschdeing miassn...
- Benediktenwandgruppe - Brauneck
- Do gähd hoid a Seilbahn auffe, oft gähz zua wia am Stachus, awa wenn ma ned zschbad dro is, kon ma a scheene Tour macha
- Brandenberger Alpen - Guffert
- An hauffn Leit gähn oiwa a Guffert auffe, do kimmd ma ned aus. Awa es häifd ja nix, a diam ziagdz uns aa auffe, meist vo Steinberg im Rofan aus.
- Estergebirge - Weilheimer Hüttn
- Bei tratzadn Weda samma midn Radl von Eschenlohe (vo Eschla!) aus bis auf 1650m nauf, dann z Fuaß weida, bis zur Weilheimer Hüttn. Wengsn Näwe hamma uns dann an Krottenkopf gspart.
- Fanes Naturpark - Dolomiten
- A scheens Fleckal is da Naturpark Fanes-Sennes-Prags, mia sann üwa St. Vigil in Enneberg ins Rautal einegfahrn und vom Rifugio Pederü in die Fanes eineganga. Üwanacht hamma am Rifugio Lavarella.
- Friulanische Dolomiten
- Mia hamm unsan Horizont a bissl erweitert: 3 Dog warn ma im Parco Naturale Regionale Dolomiti Friulane unterwegs. Mei, do gabs wieda an hauffa Berg...
- Karwendl - Birkarspitz
- Im November 2015 samma midn Radl vo Scharnitz aus ins Hinteraudoi nei. Üwas westliche Birkar samma dann aufgschdieng bis zum Schlauchkarsattl, an da Biwak-Hüttn vorbei bis zum Gipfe.
- Karwendl - Eng bis Hohljoch
- Griabig auf Fototour as Friahjahr festghoiddn
- Karwendl - Erlspitz
- In da Nordkettn unterwegs zwischn Solsteinhaus, großer Solstein und Erlspitz
- Karwendl - Foiknkar
- Fototour im Foiknkar in da Foikngruppn mid Doudnfoik, Turmfoik, Lalidererfoik, gloana Foik und Risserfoik
- Karwendl - Freiungen Höhenweg
- Vo Reith aus samma am Nommedog bei gräsda Hitz aufbrocha zua Nördlinga Hüttn auffe. Geplant war Üwanochdn am Ursprungsattl, is blos wegan Weda nix worn...dafia hodz scheene Buidl gehm!
- Karwendl - Gamsjoch
- Friah aufschdeh muas ma beim Gamsjoch, sonst hod ma ständig andere Leit aufm Buidl drauf
- Karwendl - Gloana Ahornbohn
- Üwas Johannesdoi zum gloana Ahornbodn und Houchoimsattl
- Karwendl - Groussa Ahornbohn
- Do war i efdas beim Fotografian hint, a diam gar ned leicht, koane andan Fotografen aufs Buidl z bringa!
- Karwendl - Grousse Riedlkarspitz
- Von Scharnitz aus samma üwa d Pleisnhüttn ins Hinterkar ganga. Do is dann zwischn Breitgriaßkarspitz und Larchetkarspitz a Schdoahauffn herganga, den mia beschdieng ham.
- Karwendl - Hahnkampl
- Der Gipfe zwischn Eng und Gramai war diesmoi ned unbedingt mei Hauptziel, sondern der Weg do hi.
- Karwendl - Hochkarspitz
- Im September 2000 hama do drom a Gipfebuach hinterlegt, desweng is d Houchkarspitz fia uns natirle a bsondara Gipfe!
- Karwendl - Rissdoi
- Zwischn Vorderriss und Eng untawegs
- Karwendl - Kuahkopf
- A oids Radl war amoi herom, bis oana owegschmissn hod. Jetz schdähd a Kinderradl am Gipfe.
- Karwendl - Moserkar
- Fototour mid Radl und z Fuass ins Hinterautal, Isarursprung und ins Moserkar
- Karwendl - Pleisnhüttn
- Oiwa schee is a Tour auf d Pleisnhüttn. Vo Scharnitz aus auf guad hoiba Streck zua Pleisnspitz gähd auf 1757m Hächn de vom "Pleisn" Siggi gführde Hüttn her. A bärige Sunnseitn machts aa an sonnige Winterdog guad zum Aussehogga.
- Karwendl - Plumsjoch
- A griabige Fototour mit Start bei de Hagelhüttn aufs Plumsjoch zua Plumsjochhüttn.
- Karwendl - Rissdoi
- Zwischn Vorderriss und Eng untawegs
- Karwendl - Ruederkarspitz
- Koa berühmter Berg, awa a diam fia scheene Buidl guad
- Karwendl - Schlichtenkarspitz
- Auf deen Gipfe wern ned vui Leid auffegeh, mia scho. An an scheena Herbstdog samma nachad auffegroassd...
- Rofan - Ebner Joch
- Im Juni war ma bei trazadn Weda aufm Ebner Joch
- Rosssteingruppe - Fockenstein
- Da Foggaschdoa is grob zwischn Lenggrias und Bad Wiessää. Ois Aussichtsberg issa ned schlecht, aa wenn er grod 1564m houch is.
- Rosssteingruppe - Geierstein oda Geigaschdoa
- Woas da Geier, wos fia Nama jetz richtig is ...
- Rosssteingruppe - Hirschberg
- Da Hirschberg werd oft bsuacht. Koa Wunder, am Gipfe hod ma an guadn Rundblick, a Wirtschaft is aa in da Nahad und zlang is ma aa ned unterwegs.
- Rosssteingruppe - Hochalm
- Vo da Houchoim zwischn Lenggrias und Suyvnschdoa hod ma an scheena Ausblick und man is schnäi drom. Ideal fia spontane Fototouren!
- Rosssteingruppe - Holzeralm
- D Hoizeroim zwischn Marienstein und Bad Wiessee hod jez doch a eigene Gruppn griagt. Zerst wuid i de Buidl no zum Rechelkopf dazu doa, do warns jez awa zvui worn. Da Nesselscheiberücken kherd aa dazua.
- Rosssteingruppe - Ochsenkamp
- Spitzkamp - Auerkamp - Ochsenkamp, dee Drei ghern zwar zamm, mir warn awa trotzdem blos aufm Letztn. An Dog drauf samma no aufm Rossschdoa ganga. Start und Ziel war Biasnkam midn Radl.
- Rosssteingruppe - Rechelkopf und Nachbarn
- Rechelkopf, Sunntratn, Schwaigeroim, Sigrizoim, Mitterberg, Sulzkopf, Vorberg, Gefällberg, Holzeroim, z Fuass und midn Radl
- Rosssteingruppe - Ross- und Buachschdoa
- Deen Berg soid ma am Bestn blos unta da Woch, ganz friah oda bei schlechtm Weda macha, sonst wersd üwarennd!
- Rosssteingruppe - Schoenberg oda Scheeberg
- Da Scheeberg zwischn Fleck bei Lenggrias und Wuidbod Kreith
- Schlierseer Berg - Aiplspitz
- Vo Geitau aus samma im Februar 2014 bei wenig Schnää auf den Gipfe auffe.
- Schlierseer Berg - Auerspitz
- Am Silberghaus vorbei samma üwa d Maroldschneid auf d Auerspitz ganga. Schnää hodz ned vui ghabd und d Fernsicht war recht guad.
- Schlierseer Berg - Bodenschneid
- D Bodnschneid kenn i eigenlich nur im Winter, dafia gibz oamoi im Jahr nachm Gipfe no a wos Guads: Weisswiaschd mid Brezn und a Hoiwe Reitberger!
- Vorkarwendl - Baumgartnjoch und Delpsjoch
- Newa Scharfreida und Däiza Hüttn gibdz a schdaadas Fleggal, oiwei wieda nädd do ohm.
- Vorkarwendl - Vorderriss
- Im Kiesbett von Isar und Rissbach untawegs, dann no nach Hinterriss
- Vorkarwendl - Demeljoch
- As Demejoch roas ma meist üwas Bachadoi auffe, üwan Deme-Nieder u. Hochleger. Friara wars oft dee erste kombinierte Radl-u. zFuass-Tour im Jahr, inklusive Schnääwühlerei weida ohm.
- Vorkarwendl - Dreierspitz
- A scheene, lange Herbsttour über Galgenstangenkopf, Fermerskopf, Baierkarspitze zur Dreierspitz. Vor laudda Fotografian hod ma leida de Zeit nimma glangd zur Krapfenkarspitz, da Weg zrugg is aa lang. As naxde moi schdäh i friara auf oder gähs ned so schbaad im Jahr!
- Vorkarwendl - Fleischbank
- A gschbassiga Nama fia an Berg
- Vorkarwendl - Grasköpfl
- A nädde Bergtour newan Suyvnschdoasää (zschwar zum Lesn?)
- Vorkarwendl - Hochalplkopf
- Fast da gleiche Weg wia auf d Rappenklammspitz, is zwischn dera und Ronberg da Hochalplkopf. Da Weg üwan Rontalboden hod zum Fotografian oiwa wos.
- Vorkarwendl - Huehnerberg und Duerrnberg
- Dee Gipfe am Sylvenschdoasää gäh i meist vo da Walchenklamm aus
- Vorkarwendl - Lecktal
- Zwischn Schönalmjoch und Delpsjoch auf Fototour am Leckboch entlang ganga.
- Vorkarwendl - Lerchkogl
- Von Fall aus midn Radl ins Bachadoi und auffe zum Lerchkogl-Niederleger. Dann z Fuaß weida üwan Lerchkogl-Hochleger. Mia hamm wieda moi an scheena Herbstdog dalebt!
- Vorkarwendl - Markgraben im Rissdoi
- A Wassafoi zwischn Vorderriss und Hinterriss, der nur gnua Wassa hod, wenns gscheid grengd hod.
- Vorkarwendl - Montscheinspitz
- D Montscheinspitz oda Mondscheinspitz werd oft beganga. Friah dro sei is am Wochaend oft ogsogt, wenn ma do an gscheidn Sitzblotz griang mecht.
- Vorkarwendl - Rappenklammspitz
- Üwas Rontal kimmd ma auf an Gipfe auffe, wo ma de letztn Mätta no a bissl aufbassn muas
- Vorkarwendl - Rißsattl
- A kurze Fototour bei Vorderriß. I zäi jez den Sattl no da Einfachheit hoiba zum Vorkarwendl dazua, weil i dees jez ned bessa woas. Vielleicht kon ma aa vom Isarwinkl ren.
- Vorkarwendl - Rote Wand
- Üwan Schleimssattl samma Richtung Hohe Gans auf d Roude Wand ganga
- Vorkarwendl - Schafreiter oda Schofreida
- Do hob i so vui Buidl, dee Auswoih foid ma schwaar...
- Vorkarwendl - Scheeoimjoch
- Nach Hinterriss gähdz auffe, zerst Richtung Fleischbank, dann aber umme
- Vorkarwendl - Schreckenspitz
- Vo Achenkirch üwan Gröbner-Hois samma üwa d Sonntagspitz bzw Zunterspitz und d Moosenspitz auf d Schreckenspitz ganga.
- Vorkarwendl - Sylvenschdoa rundummadum
- Am Sylvenschdoasää kimmd ma ned vorbei, imma wieder lodt de Gegend zum Buidlmacha ei!
- Vorkarwendl - Vorderskopf
- Da Vorderkopf newan Scharfreiter is ohm so ehm, daas ma do Fuassboispuin kannt.
- Wetterstein - Gehrenspitz
- Durchs Puittal samma üwas Scharnitzjoch, an Kiah, Ross und Schof vorbei aufm Gipfe nauf. Owe samma nachad anders: Üwa d Wangoim und Wetterschdoaoim zum Parkblodz Stupfer
- Wetterstein - Riedkopf
- Vom Leutaschtal Richtung Arnspitz, do gähd da Riedkopf her